Plantun de Prouvènço

Pèr coumpara dos planto d'encò nostre

Eryngium alpinum & Lilium pomponium

Eryngium alpinum

Apiaceae Umbelliferae

Noms en français : Panicaut des Alpes, Chardon bleu des Alpes.

Descripcioun :
Lou panicau-dis-Aup es uno planto raro dins noste relarg. Trachis dins li prado de mountagno dessubre 1400 m. Se recounèis à si noumbróusi bratèio bluio (>12). Li fueio de baso soun entiero, aquésti de cambo soun descoupado.

Usanço :
Coume fai de poulìdi flour, se cultivo dins li jardin. Li jóuini fueio soun manjadisso e li flour estoumatico. Pamens lou fau pas acampa qu'èi prouteji, marca sus la listo roujo, categourìo NT, quàsi menaça.

Port : Erbo
Taio : 30 à 80 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Eryngium
Famiho : Apiaceae
Famiho classico : Umbelliferae

Ordre : Apiales

Coulour de la flour : Bluio
Petalo : 5
Ø (o loungour) enflourejado : 2,5 à 4,5 cm
Flourido : Estiéu

Sòu : Ca (Si)
Autour basso e auto : 1400 à 2300 m
Aparado : Noun
Juliet à avoust

Liò : Prado - Prado à rousèu
Estànci : Subaupen
Couroulougi : Ouroufito-Aupenco
Ref. sc. : Eryngium alpinum L., 1753

Ile(-de-Poumpoune)

Lilium pomponium

Liliaceae

Àutri noum : Iéri, Lile.

Noms en français : Lis turban, Lis de Pompone.

Descripcioun :
Poulit ile arange que vèn bèn, en basso mountagno, dins li pendis roucassous, de coumpagno emé lou genestoun Genista cinerea. Ei pas poussible de s'engana.

Usanço :
Es uno meno aparado que fau pas culi.